Xalqaro Jaz festivali
Toshkentda sakkizinchi Xalqaro jaz festivali o‘tkaziladi
26-apreldan 12-mayga qadar Toshkentda VIII Xalqaro jaz festivali bo‘lib o‘tadi. Unda Germaniya, Isroil, Indoneziya, Polsha, Ruminiya, Ukraina, Fransiya va Shveysariyadan kelgan san’atkorlar chiqish qiladi.
Festival YUNESKOning O‘zbekistondagi vakolatxonasi shafeligida butun dunyoda nishonlanadigan 30-aprel — Xalqaro jaz kuniga mo‘ljallanib o‘tkaziladi.
“YUNESKO tinchlik, muloqot va o‘zaro hamjihatlikni rag‘batlantirish vositasi sifatida jaz kuchiga ishonadi, shu bois 2011-yilning noyabr oyida YUNESKO Bosh konferensiyasi jaz va uning sayyoramizning barcha burchaklaridagi kishilarni birlashtirishdagi diplomatik roliga urg‘u berish maqsadida 30-aprelni Xalqaro jaz kuni deb e’lon qilgan”, — deyiladi jamg‘arma xabarida.
2024-yilda O‘zbekistonda xalqaro jaz festivali sakkizinchi bor o‘tkaziladi. Festivalning barcha konsertlari “O‘zbekiston” xalqaro anjumanlar saroyi ortidagi ochiq osmon ostida o‘tkaziladi. Unga kirish bepul.
Festival dasturida Fransiya, Germaniya, Indoneziya, Isroil, Polsha, Ruminiya, Ukraina va Shveysariyadan tashrif buyuradigan jaz ijrochilari va guruhlari ishtirok etadi. Jamg‘arma taklifiga binoan festivalda Gregori Porter (AQSh), Kenni Garrett (AQSh), Igor Butman (Rossiya) va boshqa musiqachilar qatnashadi.
O'xshash tadbirlar
"Ipak va ziravorlar" XXi ana'naviy xalqaro festivali
Buxoro viloyati
Joriy yilning 28-29-30 may kunlari Buxoro viloyatida XIX an'anaviy “Ipak va ziravorlar” festivali o'tkazilishi munosabati …
Xalqaro baxshichilik festivali
Surxondaryo viloyati
Xalqaro baxshichilik sanʼati festivali — 2019-yildan boshlab har ikki yilda bir marta …
IV Xalqaro Yuridik forum "Tashkent law spring"
Toshkent shahri
Joriy yilning 25—27-aprel kunlari Toshkentda mustaqil O‘zbekiston tarixida ilk bor Adliya vazirligi tomonidan qator hamkor …