Xalqaro baxshichilik festivali

        Xalqaro baxshichilik sanʼati festivali — 2019-yildan boshlab har ikki yilda bir marta O‘zbekistonda oʻtkaziladigan festival. 2018-yil noyabr oyida O‘zbekiston Prezidentining Surxondaryoga tashrifi chogʻida uning taklifi bilan ushbu festivalni anʼanaviy oʻtkazish rejalashtirilgan. Festivaldan koʻzda tutilgan maqsad sharq xalqlari folklor sanʼatining yetakchi janrlaridan biri boʻlgan baxshichilikni keng targʻib qilish, folklor anʼanalari va qadriyatlarini rivojlantirish va uni chuqurroq oʻrganishga qaratilgan. Baxshichilik va dostonchilik tarixi, ularning ijodini mukammal oʻrganish, xalq ogʻzaki ijodiga oid asarlarni toʻplash, baxshi-shoir, oqin va jirovlar ijodining sharq madaniyati va sanʼatidagi oʻrni hamda ahamiyatini yanada oshirishdan iborat.