Sanʼatkor haqida
Jahongir Poziljonov 1978-yil 4-martda Toshkent shahrida oshpazlar oilasida tavallud topgan. Otasi G‘ayratjon oshpaz boʻlib, davlat tadbirlarida katta qozonlarda ham osh qilgan. Yoshligida u otasi bilan toʻylarga borib, unga yordamlashib yurgan.
„Quvnoqlar va zukkolar“ga qatnashib yurib, shu orqali Oʻzbekiston davlat sanʼat va madaniyat instituti talabasi Moʻmin Oripov bilan tanishib qolgan va u ham shu institutga oʻqishga kirgan. Ijodiy imtihonlarga tayyorgarlik koʻrishda esa Moʻmin Oripov yordam bergan. Insititutda Shuhrat Abbosov qoʻlida rejissyorlik mutaxassisligi boʻyicha tahsil olgan. Tohir Sodiqov bilan tanishishi uni hayotida katta burilish yasagan.
O‘zbek xonandasi, aktyori, rejissyori va ssenariytsi. „Bojalar“ guruhining solisti.
